ទីតាំងបាលទះមួយកន្លែងលួចលាក់បើកលេងល្បែងសុីសងជល់មាន់អនឡាញសូមអាជ្ញាធរស្រុកបាកានជួយពិនិត្យនិងបង្ក្រាបផង!!!

ខេត្តពោធិ៍សាត់៖ផ្សាយចេញថ្ងៃទី១៧.០២.២០២៣ ទីតាំងលួចលាក់បើកភ្នាល់ជល់មាន់តាមអនឡាញមួយកន្លែងស្ថិតនៅភូមិបឹងខ្នារ ឃុំបឹងខ្នារ ស្រុកបាកាន ខេត្តពោធិ៍សាត់ កំពុងបើកលេងល្បែងស៊ីសងសូមអាជ្ញាធរពាក់ព័ន្ធក្នុងស្រុកបាកាន ចុះពិនិត្យផង។

តាមសេចក្តីរាយការណ៍ពីបងប្អូនប្រជាពលរដ្ឋក្នុងមូលដ្ឋានប្រាប់(គេហទំព័រផល្លីញូវ)ឲ្យដឹងថាមានទីតាំងល្បែងបើកលេងល្បែងសុីសងជល់មាន់តាមប្រព័ន្ធអនឡាញមួយកន្លែងនេះកំពុងបើកដំណើរការជារៀងរាល់ថ្ងៃ ក្រោយពីទទួលព័ត៌មានពីប្រជាពលរដ្ឋអង្គភាពសារព័ត៌មានយើងបានចុះដល់ទីតាំងឃើញថាមានការបើកលេងពិតប្រាកដមែន។ក៏បានធ្វើការផ្តិតរូបភាពចុះផ្សាយជាដំណឹងជូនដល់អាជ្ញាធរពាក់ព័ន្ធក្នុងស្រុកបាកាន ឲ្យជ្រាបព័ត៌មានដើម្បីមានវិធានការទប់ស្កាត់។

ពលរដ្ឋក្នុងមូលដ្ឋានសំណូមពរលោក នាង វុធ អធិការស្រុកបាកាន ជួយចាត់មន្ត្រីជំនាញប៉ុស្តិ៍ចុះពិនិត្យនិងធ្វើការបង្ក្រាបផង។ដើម្បីចូលរួមបញ្ជៀសអំពើចោលកម្មផ្សេងៗនៅក្នុងមូលដ្ឋានដូចជា៖ចោរលួច-ចោរឆក់-ចោរប្លន់-គាស់ផ្ទះពលរដ្ឋនិងហិង្សាក្នុងគ្រួសារជាដើម។

សង្ឃឹមថាអាជ្ញាធរពាក់ព័ន្ធក្នុងស្រុកបាកាន និងយកចិត្តទុកដាក់ក្នុងការរក្សាសន្តិសុខសុវត្ថិភាពជូនពលរដ្ឋក្នុងមូលដ្ឋានរបស់ខ្លួន។

ជាពិសេសពលរដ្ឋស្នើសុំលោកឧត្តមសេនីយ៍ទោ ស ថេង ស្នងការខេត្តពោធិ៍សាត់សូមមានវិធានការចាប់មន្ត្រីជំនាញចុះពិនិត្យទីតាំងលួចលាក់លេងល្បែងស៊ីសងមួយកន្លែងនេះផងដើម្បីរក្សាសុវត្ថិភាពជូនពលរដ្ឋក្នុងមូលដ្ឋាន។