ករណីខ្យល់កន្ត្រាក់ នៅឃុំផ្លូវទូក រដ្ឋបាលស្រុកកំពង់លែង ដឹកនាំដោយលោក យ៉ែម លក្ខិណាអភិបាលស្រុក រួមទាំងក្រុមការងារ នាំយកថវិកា និងសម្ភារៈ ជូនប្រជាពលរដ្ឋដែលរងគ្រោះ ដោយខ្យល់កន្ត្រាក់ដួលរលំ និងប៉ើងដំបូល រួមទាំងរងគ្រោះ ៦ នាក់

សូមបញ្ជាក់ថា នៅថ្ងៃទី១៨ ខែមេសា  ឆ្នាំ២០២៦,វេលាម៉ោង,១២.៣០ នាទីយប់,មានករណីភ្លៀងធ្លាក់មួយមេនិងមានខ្យល់កន្ត្រាក់យ៉ាងខ្លាំង,ដែលបណ្តាលអោយប៉ះពាល់ផ្ទះប្រជាពលរដ្ឋ និងបណ្តាលអោយរងរបួស និងខូចខាតផ្ទះសំបែងរបស់ប្រជាពលរដ្ឋចំនួន៣៥ ខ្នងផ្ទះ។

(- ភូមិពាមខ្នង រលំទាំងស្រុង ០៦ ខ្នងផ្ទះ /របើកដំបូល១៥ខ្នងផ្ទះ សរុប២១ខ្នងផ្ទះ/- ភូមិថ្នល់ឈើទាល រលំនិងរបើកដំបូល ១៣ ខ្នងផ្ទះ /-ភូមិស្លត របើកដំបូល ០១ខ្នងផ្ទះ)

នៅព្រឹកថ្ងៃទី ១៩ ខែមេសា ឆ្នាំ២០២៦ លោក យ៉ែម លក្ខិណា អភិបាលស្រុកកំពង់លែង រួមទាំងក្រុមការងារ បានដឹកនាំជួបសំណេះសំណាលជាមួយប្រជាពលរដ្ឋ និងនាំយកថវិកា សម្ភារៈមួយចំនួនដើម្បីជួយដល់ប្រជាពលរដ្ឋទៅរងគ្រោះ ដោយមានការចូលរួមពីអាជ្ញាធរឃុំ កងកម្លាំង  រួមនិងពលរដ្ឋក្នុងតំបន់។

-ជាបឋមនេះរដ្ឋបាលស្រុក ឃុំ និងព្រះចៅអធិការវត្តថ្នល់ឈើទាល មានថវិកាសរុប១.០០០.០០០រៀល អង្ករ ២០០គីឡូក្រាម /-បានកាម៉ង់ទិញ ស័ង្កសី ៨០០សន្លឹក/-សរសរផ្ទះ២៤ សរសរ។